Grias di, I bin da Christian von christiancooks.com. I kim aus Tirol/Österreich und koch zum Teil zwangsweise (wia de meistn vo ins) owa hauptsächlich aus Leidenschoft. Noch a poor Moizeitn noch Rezept hobi ugfong, imma mea noch gfühl zkochn und nimm seitdem lei mea sötn Kochbiacha etc. hea. So hobi a poor intressante Rezepte entdeckt, wos i auf dea seit festhoitn und med dia teiln mecht.
Meine Hobbies
Mei gruaße Vorliebe bei de Hobbies is as Wossa. Do bini unta ondam a oft beim Fischn. Grod desweng weadi a ob und zua amoi Fischrezepte postn, owa natürlich lei mid söwagfonge Fisch (hauptsächlich Forellen) aus de wüdn Tiroler Bergbäch.
Meine Zutatn
I leg gruaßn Wert auf Regionalität und Saisonalität und a glückliche Viecha und biologisch ubaute Zutatn. Aus dem Grund bereit i eigentlich nua söwagfonge Fisch zua und Fleisch, wo i woaß wo’s heakimb – wenn des ned möglich ist, kaff i meine Zutatn beim Supamorkt meines Vertrauens.
I hob Kochtipps
Schau di oafoch moi a bissl auf meina Seitn um und vielleicht findst jo a a Rezept, wost gean nochkochn megst. Foist Kochtipps host, bini jedazeit dafi offn, weil i jo a koa gleanda Koch bin und mi gean vabessa. I dad mi gfrein, wennst mas in de Kommentare oda im Gästebuach zuakemma losst 🙂
I hob a Idee
Du host a Idee oda an Wunsch fe a Moizeit, de i kochn kunnt oda soid? Donn schreib ma doch bitte in meim Kontaktformular und i wead probian, dei Gricht auf mei Ort und Weis nochzkochn – do kust natürlich sei, dass i mi an am Kochbuach orientian muas – oda gib ma die Rezept und loss oi dei Entdeckung wissen! So hom oi wos davu und kenan auf de köstlichn Erfohrungen vo oi Lesarinnen und Lesa baun 🙂